ika ing rima na ning kakung poesia,
at ika munaman ing metapora na;
ikang lindayug da ring keyang bersada,
at ika ing pusu, at keyang kaladua;
makanian munaman ikang keyang suala,
ing yumu ning gale -ika’t alang al’wa;
ika ing king lumbe manaliling tula,
ampo ing salpitik, at ing keyang diwa.
inia sana e ka mayayala kaku,
ban ing poesia ku e tumabang yumu,
sasabian ku keka at ban abalu mu,
uli mu anti yang poesia ing bie ku;
uling nung ala ka, iti nanu nemu
nung e kumpul liniang alang tagle lagu.
05/02/20 /13:25
kaibat menganang kortina