ATLU

Salaminan me’t lon ing akit mu
Malulut no sinabud ding punla
Adonis ya pin dapot nung solu
Piraya ne ing mamasang malda.
Alang atyan a e bisang lumbag
E magbiba keng pulsu ning bini
At ninung keng sarili nang aslag
Paimburis nang e mikapuli.
Alino ka ning keka kinagli
Salamin ning kayang kayaslagan
At keng kekang panaung taglangi
Pruweba me ketang kasikatan.
Dapot nung pepaybaug mung kusa
Timbun mu mu king aun ing sabla.