Bunduk Fuji



Ing Bunduk Fuji akit ya keng islang pulu ning Honshū. Iya ing pekamatas a bunduk keng bansang Hapon keng katas a 3,776.24 metru (12,389.2 pie).

Kakadua yang pekamatas a bulkan a makalugal keng metung a isla keng kabilugang Asia, (kaibat ning Bunduk Kerinci a atiu king isla ning Sumatra). Iya murin in kapitung-pekamatas a taluktuk ning metung a isla keng mabilug a yatu.

Ing bunduk 100 yang kilometru timugang-kanluran ning siyudad Tokyo and malino yang akakit karin neng e makapampan keng biga. Ing kayang simetrikung konikung taluktuk makabalut yang niebi alus limang bulan ning pabanua, at iyang pekapopular at pekamaralas dang gugulis larawan deng pintor at leletratuan deng letratista.

Agpang keng kabaluan ning metung a travel guide keng asaken ming bus pang-turista iniang memasyal kami keng bansang Hapon, ing bunduk papalto ya kanung pekamasala kareng manalbe istung balu nang ating metung a mas malagung taung lalawe keya manibat kareng turista. Istu kanung ala, madalas yang salasalikut kareng biga at pamisan-misan mung bagya-bagyang papakit. Ing biga ya kanu ing peka-maskara (face mask) ning bunduk ban e lubusang mabistu ing keyang leguan at mistiku.

This entry was posted in Karen A'Richard. Bookmark the permalink.

Leave a Reply

Your email address will not be published. Required fields are marked *