Melanie Cunanan Naguit
At0Suggupltsstof 6t7, 20r17e4i ·
< sitsit ning pusu >
~~~ KEKA KU ~~~
Keng isip ku, ikang pane kabang kape ilupan ke
Katando ku kening awang, ing pusu ku sulapo ne
Papunta ne keka, sinta, at iyatad ing darake
Uma’t lugud kung padala para keka manantabe!
Ing kaul kung asnang pali, e me sana tatabili
Inyawad mu kakung pusu, e ya dapat malilili
Ing uma kung matning-matni, at timan kung alang pakli
Keng yumu da migising ka, damdaman mu atnang tindi!
Ika na pin ining sangkan, kaswelu kung daramdaman
Ala na kung apalsintan, nune ika ing atagmuan
Ing aldoldo makule ya, pusu ku apatiman
Atyu keka ing pagnasan, kening bie ku ikang talan!
Sinulat ku kening pusu ‘ning lugud ku para keka
Meging saksi inagkat la, bulan, batwin at ing banua
Ala na kung dapat aduan, ing kailangan ika, sinta
Angga na king kapilan man, manatili ku keka.
~melanie3aug2014asiago~