King Malungkut A Musika


Lorung Malabit
Mala-soneto
Silaba 16 Sesura 8/8
Quatrain 4 Couplet 1
Rima aaaa bbbb cccc dd

*
Misna lungkut ing musika, makalunus ya ing bida,
king istoriang darake na, ning makatagkil a kanta.
Gulut na ning binie na ngan, pusu, isip at kaladua,
likuan neng magdilidili, ning kayang ligurang sinta.

**
Manalete king lupa na, ing lua a misasaglulû
ania e ne apanpanan, ing mengarunut nang pusû.
Ing siguk a aguantan na, sisikan mu iting lalû,
uling ita ing aklis na,  ning kayang palad a bigû.

***
Dapot anggiang misna lungkut, ya ing titigtig a dalit,
king kakung salu ing lumbe, e na agawang lumapit
King kaplas a daramdaman, na ning bidang mepirayit,
e ku mirampulayan at, ing lugma e ya minampit.

****
Uling sinta king musikang, magtumaylang mitmung lungkut
matula katang teterak, at king jardin durutdurut.

PL Rodel E. Goazum
12 Enero 2018
Munoz, Lungsud Ning Quezon

This entry was posted in PL Rodel E. Gozum, Poeta Laureado. Bookmark the permalink.

Leave a Reply

Your email address will not be published. Required fields are marked *