Kalagu na aslag ning kekang kandila
Ing babie nang salâ reng pusu matula
Itang dulum ning bie akwa nang sumala
King pali at lugud, ing isip payapa..
King yatad mung salâ ing bie ra maratun
Aslagan mo pusu busal ning dalumdum
E la malilili panga-gatpanapun
Abe mung mamarap king Guinung minyaklung.
Mamarap la Keya adwan dang antabe
Balang e milisya king landas na ning bie
Ika o kandila ing aslag mung babie
Ding miras king dulum ikang mamantabe.
Inya angga ngeni maging nukarin man
Ding taung mangadi ikang sasalangian.
~ Tulang ning Magalang ~
💚melanie2jan2019asiago🍀
Melanie Cunanan