Melanie Cunanan Naguit
Vicenza, Italy ·
Masayang Kayaldawan Kekatamung Kababaian… 8 Marso 2018
~~ DIWATA NING ASLAGAN ~~
Ika ing sikanan menibat aslagan
Kareng sasagana, labi makatiman
Magdala kang sala keng timyas mung leguan
Keng sipag mu’t lugud ning bie lilingapan.
Keng namang dalumdum batwin kang kikinang
Keka makayarap, buring abatyawan
Pusu rang malumbe king tula mikatmuan
Karelang aramdam, tagle mung kayapan.
Ala yang kapara lugud mung darake
Mitmu ya king yumu, yampang meng dalise
Ining ulaga mu tune manantabe
Pacamalang lubus, pagasa ka king bie.
Tune karapatan keka yang panaus
E dapat miragsa libutad ning unus.
~melanie4march2015vicenza~