Nung bisa ta’ng sumaup…
…e dapat maging maimut
Lubus-lubusan napin…
…at magalang ing kimut.
E ta manayang ablas…
…e ta dapat susumbat
Tune ta’ng pasalamat…
…keng agawang alang sukad.
E ta mu sisisian…
…itang darakeng yaman
Nanu mang bage param…
…e dapat bibilangan.
Ining dapat a mayap…
…king pusu milalablab
Utus king Dios menibat…
…gawan ta’ng marapat.
Dapat tamung tumula…
…saup kareng kapara
Magserbisyu’t lumugud…
…ilang tune panata.
~ Tulang ning Magalang ~
💚melanie26may2015🍀