Mala-Soneto
Irvin Harvey Rivera
Siuala Ning Maliwalu/Anac Ning Baculud
Nanung ginulis na ning kanakung pinsil?
Pamanagimpan ya”t metung pamagbitkil;
kapanandaman yang e bisang matagkil;
king diwa kung malyap a e ku asupil.
Nanung susulat na ning kanakung pluma?
Ing Malungkut kung bie,– malugmang istorya;
king ba’yang milikas king metung a tema;
a pilit pasulat ning pusu’t kaladwa.
Ining dadalit ku lawiwi ya wari?
Malungkut yang kanta ning pusu kung sawi;
nung nu’ ko pawaga ring pita ku’t buri;
nung nu’ la migmula, nung nu’ la meyari.
Gugulis, susulat, at dadalit naku…
malyap ya pa mu ring dakpan ing diwa ku?