Ing bakas mu Guinu pilitan kung tukyan
Magpilit kung miras king bie alang anggan
A kekang pangaku king taung lelangan…
E balang dumalan laksang kasakitan.
Agkatan ku la rin deng kaparang tau
Ban kekaming gawan ing penabilin mu
Ing pamikalugud ya’yng ipanagkat ku
Kanita mabating kaguluan king yatu.
Karing kekeng pusu lako’yng pamagmatas
Detang kasalang mi luguran lang lakwas
Nung kamuan da ke man ampong pemasibas
King batu, tinape, ing ibie ming ablas.
Pagkapilitan ming miras karin banua
Kekaming anak Mu a kekang sasadya.
♥️ ningning ning magalang ♥️
26dec2021melanienaguit
