binersu neng ORLY MANALO DIZON
Orthograpiang: C-K; Sucad: 8/8
1
Bayu datang ing “Passover” / sactu iting anam aldo
Di Mary, Lazarus’t Martha / ing carela mengibabo
A cabang atiu Bethany / i Ginu tang JesuCristo
Ing agcat de’ng mag-apunan / i Jesus bayu ya maco.
2
Cabang abala ya’i Martha, / Mary naman keang dimput
Itang sagradung mal laro / ban cang Jesus ne’ti yamut,
Caring bitis na ning Ginu / itang buac na ya’ng penguscus
At canita kilub bale / itang banglu siningalngal.
3
I judas iscariote naman /metung caring disipulus
Maninayang ya’ting gigcas / “ot mal laro pa ing kiscus”,
Antimurin deting judyos / magnasang akit de’i Jesus
Uli ning abalitan da’ng, / paniubling ‘bie nang Lazarus.
4
Inia pati pecapun da / grupu deting paricehu
I Jesus ampo Lazarus / buri dong paten parehu,
Uli ning paniubli nang mie / a Jesus geuang milagru
Dacal lang hudyong sasabi / “JESUS YAPIN YA ING GINU”.
DIZLAG FARM & RESORT; April 2, 2023