koyang Anak Arenas, siguradu ku balu ye ing eksenang ini a kukuentu ning metung a anak -e ku ne mu rin sabian nung nanu yang klasing anak uling balu yu ne mu rin. bala na la mu pung misip retang e meragul keng bariu nung nanu yang klasing anak. e ke pu masiadung dininan parunggit nung ninu at nanu ya ing anak keng poesia. 😅😅😅😅😅
aisip ke pu ini kabang susopan ke ing metung a matua.
“mebigla kung mipagulisak”
asne kakusuelung tatalbug keng sapa
a magdalang suiki o mamitbit timba;
takatakikian neng mamamamanima
i tata nang lulual bayu pa sumala.
neng misan, ing tata makapanamdam ya
karetang pamaduas ampo pang alawa,
pero itang gamit a pekaburi na,
itang pangorienting gagamit bateria.
pane ku lang alben, anti kung maniglo,
bayu ya simuro manuyab ing aldo;
mimimua ya i ‘ma, ‘yawat na kung matio,
pero sisigi ku, e na ku ayoyo.
nanding alben ku la, mituag ya arap ku
at menulid i ‘ma a minampan kaku.
05/01/21 /15:05
kabang susopan ke ing metung a matua