Ini pung Poesia metung yang adle pamanyulat poesia a ausan dang “Malic-Uatas” o “Magic Poem”, a pepabantug na ning caduang Ari Ning Parnaso Ning Capampangan, ing Melapupuring Jose M. Gallardo ning Candaba.
Inya meyaus yang Malic-Uatas, (Magic Poem), uling agyang macananu meng pibalabaligtad malyari ya.
Pemansagan queng….
Paquit cu ing cacung lugud
Qñg pibaitan cung labuad/ Qñg labuad ning Capampangan,
Nung nu’ cu munang linacad/ Quening cacung gabun tibuan,
Qñg pangamanu miyanad/ Ing amanung cacung Sisuan,
Capampangan cung talacad/ Luguran que at lingapan.
Qñg lugal nu’ cu meragul/ Pane ya qñg cacung pusu,
Ing amanu cung quinaul/ Manatili ya canacu,
E que bitasang paisaul/ Ini ing cacung pangacu,
Layun queng ipagmaragul/ Queti mabilug a yatu.
Ing amanung bucud sacdal/ Iti metung ya mu cabud,
Ing pigcalub ning Dios a mal/ ya mu cabud macabucud,
Ya ing cacung pagmasabal/ Uling metung cung mitubud,
Agyang nucarin pang lugal/ Paquit cu ing cacung lugud.
(Quing aliuang pamanaladtad)
Paquit cu ing cacung lugud
Qñg pibaitan cung labuad
Nung nu’ cu munang linacad
Qñg pangamanu miyanad
Capampangan cung talacad
Qñg lugal nu cu meragul
Ing amanu cung quinaul
E que bitasang paisaul
Layun queng ipagmaragul
Ing amanung bucud sacdal
Ing pigcalub ning Dios a mal
Ya ing cacung pagmasabal
Agyang nucarin pang lugal
Qñg labuad ning Capampangan
Quening cacung gabun tibuan
Ing Amanung cacung Sisuan
Luguran que at lingapan
Pane ya qñg cacung pusu
Manatili ya canacu
Ini ing cacung pangacu
Queti mabilug a yatu
Iti metung ya mu cabud
Ya mu cabud macabucud
Uling metung cung mitubud
Paquit cu ing cacung lugud
(Baligtaran que)
Paquit cu ing cacung lugud
Paquit cu ing cacung lugud
Uling metung cung mitubud
Ya mu cabud macabucud
Iti metung ya mu cabud
Queti mabilug a yatu
Ini ing cacung pangacu
Manatili ya canacu
Pane ya qñg cacung pusu
Luguran que at lingapan
Ing Amanung cacung Sisuan
Quening cacung gabun tibuan
Qñg labuad ning Capampangan
Agyang nucarin pang lugal
Ya ing cacung pagmasabal
Ing pigcalub ning Dios a mal
Ing amanung bucud sacdal
Layun queng ipagmaragul
E que bitasang paisaul
Ing amanu cung quinaul
Qñg lugal nu’ cu meragul
Capampangan cung talacad
Qñg pangamanu miyanad
Nung nu’ cu munang linacad
Qñg pibaitan cung labuad
(Baligtaran que ing buung poesia)
Paquit cu ing cacung lugud
Paquit cu ing cacung lugud/ Agyang nucarin pang lugal
Uling metung cung mitubud/ ya ing cacung pagmasabal
Ya mu cabud macabucud/ Ing pigcalub ning Dios a mal
Iti metung ya mu cabud/ Ing amanung bucud sacdal
Queti mabilug a yatu/ Layun queng ipagmaragul
Ini ing cacung pangacu/ E que bitasang paisaul
Manatili ya canacu/ Ing amanu cung quinaul
Pane ya qñg cacung pusu/ Qñg lugal nu’ cu meragul
Luguran que at lingapan/ Capampangan cung talacad
Ing Amanung cacung Sisuan/ Qñg pangamanu miyanad
Queting cacung gabun tibuan/ Nung nu’ cu munang linacad
Qñg labuad ning Capampangan/ Qñg pibaitan cung labuad
Eric P. Dizon
April 27, 2023