mekeni, o kakung angel a malati,
sukul daka kareng kakung takde sagli,
ban kekang damdaman nu anti ing pali
ning salu kung keka manayang parati.
ibie mu pin kaku’yng mayumu mung timan,
ampo ing kaul mung mitmung kalambisan,
ampo ing uma mung king pusu pakayan,
ing sablang pagal ku ban kung akalinguan.
keni, isitsit me nasa ing pusu mu,
gawan ku ing sabla ban keka ibie ku,
basta pane ka mung makatiman kaku,
daptan ku ing sabla ban din’ kang kasuelu.
uling ing tula mu, tula niting pusu
daptan ku ing sabla, kan’ta saya ka mu.
05/07/20 /18:47
kaibat mengan ligang mani