Pacamalan da cang tutu king pecamal a masabal
Masabal a e masintang king nanu man pamipagcal
Pamipagcal caring keca sisira king kecang dangal
Dangal a e sucat siran king pibaitan cung lugal
Lugal a keragulan cu a metung mung anting suli
Suli mu cung maging tapat king lele mu manatili
Manatili cung gumusal pangacu cu king sarili
Sarili cung e paipagal at bitasang e tabili
Tabili cu uari keca nung macaranas cang lungcut
Lungcut king pusu mung maula a mibusal at mibalut
Mibalut king pamandusang maluat mu nang sasalicut
Sasalicut king pusu mu caring keca peingulut
Peingulut la man keca ring aliuang macatubud
Macatubud magmasabal king kecang bie macabucud
Macabucud king isipan a ica mung macabuclud
Macabuclud king pusu cu a tune kecang lulugud.
E. P. D.
Peb. 02, 2023