Ita’ng capampangan atin tamung singsing
a amana tamu at mitagulaling
king Indung ibatan ngeni sasaingsing
uling iting singsing maibug neng mabating.
Dacal capampangan e re buring sulud,
mas buri ra pa pin cabud nya malumud,
sagipan ta’ ya sa’ itamung mitubud
bang apakit tamu itang tune lugud.
Isulud ta’ ya ngan ing amanang singsing
king bie pangaldoldo bang e ya mabating,
ipakit tamu ngan itang cayang ningning
bang ing Indu tamu e ne pin saingsing.
Ing Amanang Singsing e ta’ ya sisinup;
Sucat yang isulud nu’ ta’ man lupalup.
E. P. D.
Jan. 6, 2022