Ing pamangalalu, mengari yang ane
King metu relasyun, ya ing makamate
Agyu neng lasakan, asyas a matibe
A peka-pundasyun na ning pamiyabe
Ing pamangalu ngara ring aliwa
Tanda ne kanu ning lugud a dakila
Dapot agpang karing taung e manwala
Kasakiman iting e na makatula
Ustung milalu ne, ing pamangalalu
Magi neng dalan king e pamikasundu
King matibe lubid na ning pamikalu
Da ring mikalugud, yan ing mangibugtu
Ing pamangalalu, e mu sa lalabis
Lunto yang lugud a misna king kalambis
Vhelle V. Garcia
June 5, 2023
UAE