nang: PL Sergio Gramonte Calayag
Aslam, aslam paniltilan
Kareng tropik ampon ningnang
Itang nasi yang babawan
Bayung lutu at maniaman
Milon, pakuan at sikamas
Benabana’t saraguelas
Kamatsilis, santul, biabas
Neng kaleldo ilang prutas
Ketang ilog magtampiso
Mamanasan, mamandilo
Dakal taung deng dadayo
Ining lugal iyang presko
Magtambubung, salikutan
Mamulayi king asikan
Itang grotto uukyatan
Keni kami manandawan
Simpli mung bie ‘niang anak ka
Kumplikado tutung ala
E mu sana dalang tutua
‘galing anak lakuan mu na
Misulat iniang magumpisa ku pang susulat poesia
March 6, 2013