Mala-soneto
Lorung Malabit
*
Marimla ing klima, masikan ing uran,
pilming dakal la ring misakub a kuran.
Pelalung ing bangi, mangakudkud kanian,
ala nang mitagan anggiang kabutilan.
**
Lungkas no naman ding mamamagbaluktut,
a karing ulas da mamamagkulubut.
Sumapa no naman ding mabayat gulut,
a karing pagkeran mamamagbakutkut.
***
Dakal no naman ding e lungub king obra,
magsakit-sakitan, anggiang masikan la.
Malagnat la kanu, ita ing sabian da,
potang maus la ring taga-upisina.
****
Marimla ing klima, masikan ing uran,
marakal no naman ding lumobu atian.
Rodel E. Gozum
25 Junio 2023
San Simon