nang: PL Sergio Gramonte Calayag
Alub namu ing santing ya mika kutis porselana
‘yang gagamit a panulu at pangaskas ketang lupa
Iya ining inatulan iya kanung magpa-derma
Dapot maragul ing gastus, e ne agyu nitang bulsa
Misan abak a maranun kayari nang mengasilya
Apangsingan ing pH care iyang kiskas keang lupa
At neng tula keng ginamit iya kanung misnang dimla
Aburi neng gagamitan, balang abak alang palya
Ing balu na luminis ya at sumanting yang lalaki
Inia e mangutang man keng asawa nang babai
Dapot misan ing asawa, magtaka ya keng sarili
At neng talik magigisan, ini kayang panos p–i
Misan aldo kayabakan ing asawa yang abante
Iya pala ing gagamit, kening gamit pambabai
Menagkas yang alang oras, ining asawang babai
Bakit iyang gagamitan?, gamitan mu ing Myra E
