(how come?)
ing luguran daka nung kasalanan man,
ing pusu kaban neng mitmung kasalanan,
uling king pusu ku atiu makalulan
ing lugud ku kekang alang kapupusan.
dapot nung sala pin ing luguran daka,
o ba’t katulan ku ing mikakasala?
king ardin ning Eden ika waring puera
karetang apangan kareng sablang bunga?
e raka alisian aggiang keng lawe mu,
at kening ukul ku e raka arayu
pablasang seria kang pantunan ning pusu;
ing daraunan nang kapalsintang tutu.
inia nung sala mang keka paimurit ku,
o ba’t ikang banuang babie tula kaku?
07/15/23 //08:51
kaibat meng suman ebus