anti kung matalik kalo a torniliu
neng ika nang mialung keni keng ukul ku;
ngana nang anti kung gilutan ning yatu,
at ngana nang timan ing ibie mu kaku.
keng kanakung ukul neng mamialung naka,
neng misan mitmu ku kasuelu’t pagasa,
anting manaya ku a miraup la pa
reng labi’t palad ta’t misagana mata.
atin naman misan anting malulumud
keng bignus nang uran ning sintang mepatlud;
lulub mu rin kakung mimin naka lugud;
ing napun ala nang bukas pa a manlud.
makanian man e ku layun a tuknangan
ing estiman daka kening pilubluban.
09/19/20 /11:50
kalual keng obra