nang: PL Sergio Gramonte Calayag
Tutung simpli ini nang bie keng panaung milabasan
Itang kropek yang asanan nung ala kang ayasanan
Katerno ne ing kamatis o ing maparas a aslam
Milabas na ketang oras, at ing atian mikalaman
Karin barrio ming Banaba, potang fiesta’ng pagmasusian
Dakal pialung, singing contest ila rening pilabanan
Dening anak a maniambut, detang kropek panenayan
Atin Colgate, lifebouy, kendi, ilang premyu dang abangan
Atin naman mamagtinda itang kropek yang titinda
Itang aslam a maparas, iya ining tiltilan da
Keng makanining paralan, tutung iyang mabibiasa
Anting metung negosyante keng makanian magumpisa
Makanian ing alabasan iniang kekeng kayanakan
Mayulaga ining kropek, inia ikaming magaral
Kabang mipag-istoria na, kening lele yang kakanan
Milalabas itang oras tutung e mu amalayan