158

Biling-biling maymut ya ing tudtud
Keng isip mu dakal mamialungan
Sari-saring multu lang patatbud
King pakang mung lingo nang katinwan.
Susuluran mo pa retang napun
Detang tuksung keng laman menabluk
Nanu kayang atul ning panaun
Detang e mu pesar a pagsubuk.
Malino pang keka la kakablas
Ding barahang teya mung e sukat
Makanyanman disan me ing bukas
Keng na’ng sangkang e karapatdapat.
–A, e ka pa pakakasiguru
–E la pipiak deng mata ning Ginu.