10-01-23
Sonetu
Linsut kang ibat kilub nang Evá
uling tenguanan mu ing lumaban
king marangle ning tubud a gerá
ban ‘yang malkus king kekang kayatsuan.
Kabang makipamuk kang darayas
saslag ya’t mibabayu ing yatú
king salâ mung susulu king gasgas
palaut king baltangan ding lilú.
Tikman mu ing migsolu king lugmâ,
sikwil ding sadyang keka malambis
a napun mu abe mong matulâ
ngeni, ilang keka bibye umis.
–Ibalayun mu ing laba’ning bie
–nung imbut mung kamtan ing tagumpe.
Yng Bantulut A Siuala
San Simon