kakumpletuan naka nining diwa,
ing kabilugan ning pangatau,
anti keng dulum magsilbing sala,
anting king salun, ikang panulu;
mas masanting sa’ nung anti ini,
king bie mu akung kekang tulutan
a maging sangkan ding kekang aili
ampong sibul da ring kekang timan.
tulutan mu kung luguran daka
at iyampang ke keka ining bie,
maging kabislak ku anggang angga,
king, tula, lumbe, bie manggang mate.
–keni kulung daka karing kaul,
–king pali ning lugud a maragul.
10/11/23 //18:35
bayu manalbe “one piece”