biling-biling la keng katandanan
ding alala a pakasalikut
e re painawan ampong lalakuan,
layun da ing mitatapus lungkut;
sasaka da keng kulkul pagmalun,
purung tula la laman pablasa,
pesilabas la man ding panaun,
e la pesipamun man bitasa;
ilang kakung kuyug aldo’t bengi
aggiang nukarin ku mangaparas,
talaga lang pisasakluan aili,
e matatdang timan ning milabas.
–keka ngan ita at pinyinup ku,
–rekuerdung e maluluma kaku.
10/11/23 //21:24
bayu sangkap kape