191

Manyaman kanan itang e sadya
Ing pamitan da reng mata’t asbuk
Itang makagyam man, pane mung ya
Masabal ka rin kelwatan masnuk.
Migit lang pamitan detang bawal
Detang e titinda’t asasali
Nung misubu pati bie susugal
Mipasabag mu sana ing buri.
Atin kaladwang e mapanusig
E mamintu keng matang pasaklo
Keng daluyung ning bie makapantig
Ing kamu ning pusu paibabo.
— E na balang kakagli, mabuktut
— Mingat kang kayarung a malambut.