203

Misan istung pibule-bulayan
Ing ngeni pagsalayan na ning bie
Kesa ketang pugad pisapwakan
Inyang ing yatu e pa alakbe.
Na’ng sukdanan sa keng bie ning tau
Ban ing kabaldugan na ataruk
Ding asapat kayang nanu-nanu
O ring pekyabutan nang taluktuk?
Keng lele bangketa, samantala
Inapag ne ing lata nang biskwit
Makasulat keng kartung kandung na
“Malunus Na Ko Keng E Manakit”.
— Ita’ng manakit sala at dulum
— Isdingan tana ing nasing meum.