o’bat mo pin kaya gagapang ka?
o’bat e ka tikdo at talakad?
e nakaman siguru matamad,
uling e ka makanian kanita.
nanu waring managuanta keka?
‘te mo dalpak reng bitis keng labuad?
tikdo ka, takbang ka at lumakad.
e mu isipang mua ya ing banua.
e Na ka perusan ning keng babo
nung miragsa ka man at misapa,
e Na tulang akit Na kang sasio,
nun’e mitakid ka mu pablasa
kareng kasingdulum a alino
a manakid munaman ing tula.
12/07/22 //07:05
kaibat minum kape
(sonetung Barrett-Browning neng tita bern)