216

Paris lang katang-katang a bitis
Nung keng aske e agnan pibatan
Nanan mu man e la mipaparis
Ding balangkas kabud mikatawan.
E la patas nung seryang pilimpi
Metung medyu malpa metung duluk
Pitunggal lang matas at malati
Karing binyas punta anggang tampuk.
Na’ng sangkan kaya ning pamitambal
Deng adwang e bage mipareha
Mekad metung ding bakit a dakal
E agad ulata karing mata.
— Dakal bage patalas keng isip
— Babye kule keng bye keti sulip.