Irvin Harvey E. Rivera
Siuala Ning Maliwalu/Anac Ning Baculud
April 23, 2019

Ikeng Kapampangan kareng kalamidad
Mesubuk na ke ken yan ing e ku lingad
King albug at lahar ikwa ming misadsad
King metung mung ayun e ke pa miyanad?

Dakal a sasabi ing ke keng Probinsya
Kasebyan neng tutu a mapibabata
Nanu mang delubyu a kaya na digpa
E minuling matbud manibat kanita.

Ngeni, pasibayu, mesubuk na naman
Ing tagle nang tibe ning ka’kung Balayan
Masikan a ayun kagatpanapunan
Yang kabud minugun king kataimikan.

King Lubao, Florida, king Balen ning Porac
Masikan a ayun karin ya misaldak
Marimlang bangkala Matwa man o Anak
Kalulu dang kalma karin mebitawak.

Miyayaliwang saup ibat king Gubyernu
Yang dalas dang yatad a e mu magkanu
Bukud karing saup ampo karing tawu
Meging maulaga ing saup ning Guinu.

Nanu mang piyaglon kanita mu akit
Ing pamikalugud ampong malasakit
Mibangun ka Balen! King busal ning pait
Kambe ra ring tau, king Sunis mu’t Dalit!

SiualaNingMaliwalu #AnacNingBaculud