11

Simbilis mung mina, yang pagsikan
Karing kekang bayung tubung supling
At ing pepamana mung sikanan
Yang balikdan mu pangatwang taring.
Keti ing bunga, leguan at huwisyu
O tumwang alang ketwan, at mina
Nung ika mu, mate ne ing tau
Pati yatu, keng siglung kapitna.
Pabustan la ring alang paintungul
Mamun keti yatu’ng alang bakas
Pagkalaman ding mayap a butul
Tamasa’t numabang alang wakas.
— Mepili ka keng basbas ning banua
— E mu mabakung, nune mamunga.