Category Archives: Capampangan Shakespeare

Ing Poetang Capampangan a maca-aliwa dili santing at panga-dalise poesiang cayakitan mu at alimpi careng obra nang William Shakespeare.

ing kayalili

bisita keng pane kening kakung pusu
ing lumbe ning kekang kaku pamandayu,
mamialung keng ukul a mekad e tutu,
nune ing lugud mu (kanaku) pialung mu.
dapot makanian man, salamat keng sinta
a peramdam kaku kanitang ita pa,
salamat keng uma a kaku mu pigpa,
tutu la man deta o aggiang nanu la;
salamat munaman karing kaul kaku
a angga man ngeni piraramdaman ku;
tutu la man deti o palsipikadu,
dimdam ku ing tula, dimdam ku ing yumu.
ing dinuang mung lugud, tutu o ali man,
kapasdul, keng lumbe megin kung alipan.

11/17/22 //17:38
kabang manable “instalimb”

“bakit?”

Posted on June 3, 2023 by Tuazon Sabandal

sinta, sinta, sinta, o kakung palsintan,bala mu alak kang maniaman aldukan;iyang kekang lasa, pane panintunan;kening pangatau midaralang timan. e mu nanung tula ing babie mu kakuneng makitupa la kaku reng labi mu;maglapo ing tula keni king pusu kuneng ala ing … Continue reading →

Posted in Capampangan Shakespeare, Palsinta, PL Tuazon Sabandal, Poesia | Leave a comment

“deng mata kung singkit”

Posted on June 3, 2023 by Tuazon Sabandal

(ini pu, kayabe ya kareng koleksiun kung sonetung Kapampangan a purus kalokuan laman. manga meka apulu ku pamu siguru. addua la reng personang parating atiu: ing magsalita ampo ing babaing amanuan na. panikuanan ku lang buu o mabilug silaba rima. … Continue reading →

Posted in Capampangan Shakespeare, Komidya, Mala-Sonetu, PL Tuazon Sabandal, Poesia | Leave a comment

“dapat sa’ balu na lasa ing e na tikman”

Posted on June 3, 2023 by Tuazon Sabandal

king pusu nang tatang pilit kung manintunaggiang kapatak mu king mayumung danum,uling ing pusu ku asne kawang minumpamanda king ibe ning salpak a lasun;ing ditak kung mali e na panupaya,makanian munaman aggiang istung ala,(pane) king balat ku aruan ko keng … Continue reading →

Posted in Bie, Capampangan Shakespeare, Lugud, Mala-Sonetu, Paradox, PL Tuazon Sabandal, Poesia | Leave a comment

“ing sangkan”

Posted on June 3, 2023 by Tuazon Sabandal

ngara, maganaka at mamu ku lupa,e ya kanu babie kaplas kareng mata,mu pin, makalungkut, kaku sasabian da,atin nong katayid reng gamat ku, ngara.muna la pa kanung kaku pagpa lawe,ing lupa ku kanu mamangayuma ne,mandakap neng pusu, mupin, makalumbe,at makarunut lub … Continue reading →

Posted in Capampangan Shakespeare, Mala-Sonetu, PL Tuazon Sabandal, Poesia | Leave a comment

“atin mu rin yumu”

Posted on June 3, 2023 by Tuazon Sabandal

deng kanakung bitis mabayat la takbangpero susulung la, e la bisang tuknang;masukal ining lub pero e tatabangtumalas king napun a kaplas inampang,pablasang king napun karin ya megabaking salu kung keka megunang mataktaka megin sangkan na ning baggiung babataka pepalbug kaku … Continue reading →

Posted in Capampangan Shakespeare, Lugud, Mala-Sonetu, Palsinta, PL Tuazon Sabandal, Poesia, saddia3x | Leave a comment

Tatang

Posted on May 29, 2023 by Tuazon Sabandal

(metung ya pu ini karing poesia ku keng lalam ning pamansag a “talubang: panalala keka tang”. metung ya pung koleksiun da ring eleya a sinulat ku, at daragdagan ku pa para keng kanakung tata) king kekang pamamun, kakapkap ku dulum,kakapkap … Continue reading →

Posted in Bie, Capampangan Shakespeare, Pamilya, PL Tuazon Sabandal, Poesia | Leave a comment

“ing mayumung diling musika”

Posted on May 23, 2023 by Tuazon Sabandal

asna kataimikan kabang asna sigla;sobra king kasigla dapot alang suala,at mas taimik la at migaganakaring e mababaldug at manikal kung lua; e nakuman misdan dapot e ku balu;alang darandaman nung e’ynge ning pusu:“kabag, kabag, kabag,” -e simpling kabag mu;maibug yang … Continue reading →

Posted in Bie, Capampangan Shakespeare, Mala-Sonetu, PL Tuazon Sabandal, Poesia | Leave a comment

dangalan ning pusu

Posted on May 23, 2023 by Tuazon Sabandal

maluat ku ne pung gewa ining poesia, at ini ing nung makananu kung lalawan kanita ing “pamakipangatawan” o ausan da mung “sex” reng aliwa dapot “making love” naman ing aus da retang ing lawe da kanini e mu kabud “sex”. … Continue reading →

Posted in Bie, Capampangan Shakespeare, Mala-Sonetu, PL Tuazon Sabandal, Poesia | Leave a comment

“silaban no reng tete”

Posted on May 23, 2023 by Tuazon Sabandal

kaniaman ta lugod, kayumung pilasan,alang masasayang a oras ditak man;pusu tang king sinta misna tigik talan,miplanu nong mapse tangu keng pisamban.dapot mika atin e pamikasundu,sindagul yang buntuk ning kapalitu mu,e ke buring dagul, kinua ke keng aru,dapot keng lati na … Continue reading →

Posted in Bie, Capampangan Shakespeare, Mala-Sonetu, Palsinta, PL Tuazon Sabandal, Poesia | Leave a comment

“dual sim”

Posted on May 23, 2023 by Tuazon Sabandal

kulasa, kulasa, ‘tin kung sabian keka,atin kung asaglap kari ‘maring Marta:balu me i Pabling ampo pa i Maria,ing pamiabe ra mesagsag na pala.e wari reng addua mestra la at mestru?obra la mu’t bale? matunud pareu?aldo reng pamilia ing aldo Sabadu?suki … Continue reading →

Posted in Bie, Capampangan Shakespeare, Mala-Sonetu, PL Tuazon Sabandal, Poesia | Leave a comment