Soneto 12

Lorung Malabit
Adle Spenserian Sonnet
Silaba 10 Taladtad 14
Estropa 3 Quatrain 1 Couplet
Rima abab bcbc cdcd ee

*
Sinitsit na kanaku ning angin,
minuli ka palang malalaguậ
pauli ning nasa meng alarin
ing pusu mung ginabak na ning luậ.

**
King masalusung bie ning Menilậ,
pengangasan mu ing makipamuk.
Ngeni ing peninasan mung tulậ,
minuli king alang patnang siguk.

***
Melula ka king tuksu at abluk
ning lungsud a mataram a kukû.
Likuan mu ku king metung a suluk,
balu mu mang malasak ku salû.

****
Dapot sinta ngeni uluan da ka,
ban ing kakung pusu kumayap ya.

PL Rodel E. Gozum
14 Nobyembre 2017
Munoz, Lungsud Ning Quezon