ING LIGURAN, MECU AT MEMUN NE

neng almario “amor” c. de jesus –

*
PANAMDAMAN CU ING PALING MACAPALIGID CANACU,
BALAMU ATI CA KENI, MALAPIT MU KING SIPING CU,
GAD CONG YPIAC CACUNG MATA , AT ISIPANG AKIT CUPA,
IYANG MAAMU MUNG LUPA, AT PISULU TANG LIGAYA.

**
DETANG MASAYANG PINANDIT, E NO MALYARING CALINGUAN,
ANTI LA MUNG CAYAMANAN, A LUBUS CUNG PACAMALAN,
AT ING SABLA MILULAN NGAN, KENING PUSU’T PILUBLUBAN,
YLANG NGENING GAGANACAN, KENING SALU MACAPALDAN.

***
CABANG ATING PANALALA, MABIBYE CU’T MANGISNAUA,
CAPILAN MAN E MALYARING KENING ISIP MIDAYU CA,
TUTUNG E NA MAULIT PA, ING MACAPISABI CATA
AT DAMDAMAN DACA BOSIS, CALUPA NA NITANG SADYA.

****
BALANG BENGING MATUDTUD CU, MANGADI CUNG ALANG SALA,
ING TAHIMIC NA CA BILI, KETANG CARINAN MUNG GLORYA.



acdj

This entry was posted in PL Almario C. de Jesus, Poeta Laureado. Bookmark the permalink.

Leave a Reply

Your email address will not be published. Required fields are marked *