Neng Herman Pablo
01-06-22
Ing bayung giyera king aliwang aske
Kening labuad tamu kabud sinalake
Iyang miglamutak at memanyabunke
E ya pepatugut sinira keng bie
King adua nang banua padurut durut
Menalasang mayap king makapatulug
Sikan e akakit ing migdalang danup
Ikwang memanyintang king pamikasaut
Kekeng frontliners kekayu telaga
Aldo’ bengi’t abak , bante keng maluka
King tusung covid ikeng mekipamingwa
Pigagap kambilan deni na pin malda
Manyad keng pangadi mirinan sikanan
Marap king pandemya mako ing pikabyang
Bang kening tungkul mi kekeng Agampanan
King bayung giyera , bayung salpitikan..