Sintang Mepuput

Lorung Malabit
Mala-Soneto
*
E ku mipanatag, king apagumasdan,
a malilyari king, lalam ding tanaman.
Ika, sinta at ing, kakung kaluguran,
mipaglambis kayu’t, misasagakgakan.

**
Mebalisa ku at, labis mengalalû,
king abalu na ning, mebangal a pusû.
Agad keng pindugdug, ing meskup a salû
kabang karing pisngi, ing lua ku tutulû.

***
E ku na agyu ing, masakit mung gewậ,
Uling yaku e ku, linugud aliwậ.
Ayaguanta ku sa, ing sulak ning dayậ,
ban e ku mamurit, king masukdul a muậ.

****
Dapot na’ng matulid, ku ban maginakit,
ing kapalsintan ku, selikut kung pilit?

PL Rodel E. Gozum
07 Julyo 2015
Munoz, Quezon City