Regalung ibie ku, yapin ing timan ku
Kaninu’t kapilan, iya’yng iyampang ku
Pawaga’t ulaga iduang ku kekayu
Lugud at ganaca mikatmuan pusu yu.
Milako’yng mua’t pagal neng akit ya’yng timan
Nukarin man suluk e malyaring saluan
E mu naman akua kanikaninu man
Uli ining timan kusa yang daratang.
Antayu’yng timan mu, pakit me, idake
E me sasalikut, nune ‘ya’yng ipamie
Pusu tumula la at isip salese
At ing kapayapan maramdam yang tune.
Yampang ta ne, abe, timan mu, timan ku
Kapaldanan keng bie, ‘ya’yng akamtan tamu!
💚 pusung makatiman 💚
~ melanie30sept2015 ~
(Photo: Sharriele Alliah Sudaria Naguit)
Melanie Cunanan
Melanie Cunanan Naguit