Metung a Talubang

© neng: Don Zoilo Hilario

Talubang a kule gintu
bistat nais mu lalapo
ban lele sala sulapo
at dumurut alang pintu,
ban mikapali kang tutu,
mitan ka sa’t mamintu
kening buring i-usuk ku:

Panikwanan mung manginlag
milapit bina king lablab
magkang akwa rang masilab
deang ginintuan mung pakpak,
insanu mang pamagdulap
nung lalabis na keng sukad
mabibigu’t misasaldak.

This entry was posted in Poesia. Bookmark the permalink.

Leave a Reply

Your email address will not be published.