binersu neng ORLY MANALO DIZON
1
Jesus at ding disipulus / king hardin ‘ting pagpulungan
E ‘ti alingad cang judas / ing lugal balu nia naman,
Ulina ya’ng manganiaya / cang Jesus king ban yang dacpan
Tiki no retang sundalus / a paca-armadung sundang.
2
Iniang datang Ne king lugal / i judas ‘gad neng inarap
I Jesus ban iti uman / a ya’ng senyas ning panyacap,
Dapot Jesus balu na’ta / at lubusan iting tanggap
Ulina ya’ng macasulat / iti dapat yang matupad.
3
Peter naman ‘tin yang tabac / iniang acma Da Neng dacpan
Tigpas ne balugbug ining / Malcong metung a alipan,
At i Jesus binalic Ne / anting alang nanu naman
Inia ding anggang menakit / metulala la’t mengasdan.
4
Mapayapa Yang tinuki / Keang binie ing sarili
Panulac De at pamaluan / ding sundalus uaring tigri,
Peglaput da ing malan Na / at matula dang pengisi
Pemugbug De’ti catauan / pati balat mengagisi.
5
Ding’gang bage mararapat / cang Jesus a Ginu tamu
Deti rugu bunga nongan / ning casalanan ding tau,
Uli na ning Keang lugud / caring’gang tau ning yatu
Tinggap na ngan laus king lub / pengatauan Na’ting ustu.
DIZLAG FARM, Martis Santo, Apr 12/22.