Adua lang clasing mangacualtang negosyanti keti balayan tamu.
Ding mumuna ila retang negosyanting maburi caretang puliticung “corrupt” a pamanungculan canita agiang e la mamayad carampatan buis (tax) caring panakitan da absueltu la. Deting macanian a ugaling negosyanti ila ding macasarili, ala lang masabal at magpalugmuc king bansa tamu.
Detang cadua naman ila reting negosyanting maburi caring puliticung magpatupad batas pantau, mamayad carampatan buis caring panakitan da king ban mika-atin yang pondo ing gubiernu at king icasulung na ning kecatamung bansang tibuan. Ding “foreign & local investors” kelaclan macanian ing imbut dang manungculan a puliticu, patas at e mangabiran king pamaki-utus carela (negosyanti).
DIZLAG FARM, July 17, 2022