Babaing Tatangalan

πŸ’International Women’s DayπŸ’
Ing ulaga ning metung a babai kenuman a lulugud at mangailangan kea πŸ’šπŸŒΉπŸ’›

❀️ BABAING TATANGALAN ❀️

Ika ing sikanan menibat aslagan
Kareng sasagana, labi makatiman
Magdala kang tula keng timyas mung leguan
Keng sipag mu’t lugud ning bie lilingapan.

King dalumdum, ika, kikislap kang batwin
Keka la makarap aslag mung maningning
Pusu rang malumbe mipaldan king saynsing
Tulang aramdaman, diwa ra migising.

Ala yang kapara lugud mung darake
Mitmu ya king yumu, yampang meng dalise
Ining ulaga mu tune manantabe
Pacamalang lubus, pagasa ka king bie.

Tagle mung kayapan binubud king lugud
Tangalan kang Indu karelang malugud.

Luid pu kekatamung BABAI ❣️
πŸ€πŸ’žπŸŒΏπŸ’žβ˜˜οΈπŸ’žπŸŒ±πŸ’žπŸ€

~ Tulang ning Magalang ~
(Β© melanie8march2015vicenza)
foto: Janice Marie Naguit Tuazon Irorita

This entry was posted in Poesia, Poetisa Melanie Cunanan Naguit. Bookmark the permalink.

Leave a Reply

Your email address will not be published. Required fields are marked *