Ninu ya kanu ing poeta kung balu?
Ing tune talasulat at talaturu
Tutung magmalasakit, e biru-biru
Poetang lulugud king Amanung Indu
Masuyu king Guinu, kultura’t pamilya
Deni ngan ilang pekainspirasyun na
Bawat makuyad man o makabang obra
Gawang mitmung tula, gawang maulaga
Mayap sumulat, masanting kawatasan
Kabud gagambul, kulturang kapampangan
Metung yang ejemplo kareng kayanakan
Karelang panyulung ba rang asumpungan
Sana ing pamanyulat na e magwakas
Nune lumabung pa, manyilad pang lakwas
Metung yang alimbawa deng tune pantas
Ing galang at pugue para kaya matas
-e bisang pabalu
