Masunggit

Kanyaman ming lugud, ikaming masunggit
Nung lon malapitan mutya keng marikit
Ike ping panulu kareng mapamusit
Pati ing kandut mi, manyaman ing sakit.

Nung keng pamalsinta, malugud keng tutu
Mupin ing kustyun mi e ke makibiru
Mekad pota galang, bista’t e na balu
Ing pilyung mamusit, kabud nya mesilu.

Nung sakali naman, bigla yang mebirtud
Ala namang marok, minyaman ya tudtud
Agyang e na balu, pilmi yang mipatud
Bigla nang abistu nung nanu ing lugud.

-e bisang pabalu

This entry was posted in Palsinta, Poesia. Bookmark the permalink.

Leave a Reply

Your email address will not be published. Required fields are marked *