Mala-Soneto
Irvin Harvey Rivera
Siuala Ning Maliwalu/Anac Ning Baculud
January 1, 2018
Kayapan at Grasya king biye ku mibulus
Inyang sibukan kung sikwil ku’t itapus
Ing sablang marawak king pusu metakmus
At umeng migbalik king Guinung minatbus.
Buri na ning Guinu king marok mangilag
Mabikwal a dalan king lawe ku patag
Matibe kung marap anti mong kalasag
Nung datang ing aldo’t ing sala e sumlag.
Ing sablang dewakan manayang kumawul
Sisitsit, managkat, king balugbug labul
Migkamaling takbang king apan a kullkul
Yang gumulis na king bukas ku’t paintungul.
Ania sa oh tau, keka mung ganakan
Isakwil mu’ing marok, mangilag king Apan.