Minindal/Apunan
Magminindal tapu Piritung Panara
Giniling pung babi ing pemalaman na
Piglating patatas pindagdag a lasa
Gisa keng sibuyas, bawang, binalut ta
Pisit kalamunding ing gewang tiltilan
Semutan yang toyu at bagyang meyumuan
Keng mamali-maling panarang perimlan
Kulang la reng atlu nung eka manuman.
Inabayan tayang kasakmal salada
Kerot at labanus keng aslam ‘natsara
Keng bulung kulantru mako ing lanam na
Panaplak keng danup bayu maglakwatsa
Maliari ya naman panulam apunan
Ita ing nyaman na ning bie Kapampangan.
Panara
-patatas
-giniling
-gisa
-sibuyas
-bawang
-pabalat
tiltilan
-toyu
-kalamunding
-mayumu
saladang atsara
-labanus
-kulantru
-kerot
-aslam