“uma”

nung apansinan mu, bitasang bitasa
ala kung kitang man o pekibaluan sa’
keng kekang milabas, sinta man o uma,
pero obat kaya kinuentu mung bigla?

nanu ing layun mu kaniting kuentu mu?
paramdam mu waring tauli ku’t segundu?
paramdam mu waring ining paniatang ku,
nung uman daka man, kulang na keng yumu?

ing inawang saldak pane nakung ayan
uling ing kuentu mu e naku lalakuan;
anting alingongo mipapasibayuan
itang pamagkuentung alang kapupusan.

ay, ot ninanu ku? ninanu ku keka?
ot pangalaluan ku’yng uma mung minuna?

03/28/23 //23:48
kaibat mengan hopiang kundul

This entry was posted in Capampangan Shakespeare, Palsinta, PL Tuazon Sabandal, Sonetu. Bookmark the permalink.

Leave a Reply

Your email address will not be published. Required fields are marked *