Ot mangalalu ka , kuwentu yamu naman,
kesa keng aliwa karin abalitan,
inya yaku mismu pinasyag kuna yan,
alang dagdag bawas ampong kalaraman.
Panupaya na rugu matabil ku dila,
yang e sukat misan , ‘gad kung pamalita ,
nung e mu atanggap , ika na sang bala ,
ing sukal ning lub mu, bawasan mung bagya.
Ngeni kutnan daka , nanu mo ing sangkan ?
Ing milabasan ku , obat e mu kitang ?
kabang anggiang nanu , ‘me kung pakibatan,
ngeni ka manyumbat , kenu’ing sala kanyan?
E kepa man bayit , ketang petsang ita,
inya ing daptan mu , patugut ka sana!😛🤪🤪