Sonetu
Irvin Harvey Rivera
Siuala Ning Maliwalu/Anac Ning Baculud
May 17, 2017
Makananu nung e ta’ lulugud?
Ing lugud kabud na mapapatlud;
Datang at mate na kabud-abud;
Alang lugalan ing pamaglugud?
Makananu nung e ta’ sisinta?
Ing pusu nanu ing kasilbyan na;
Pata ya king ‘gang panamdaman na;
Nanu pang lugud ing miral kan’ta?
Makananu nung ala ta’ng pusu?
Ing sablang marok ya namung tutu;
Ing pusu tamu ala yang balu;
Lugud at sinta alang mituru?
Makananu na ing kapayapan?
Nukarin taya ngan pandulapan?